Kinabukasan, maagang nagising si Lyka at bumaba para ipagtimpla ng kape si Aiden. Habang inaayos niya ang mesa, biglang tumunog ang phone niya. Pagtingin niya sa screen, pangalan ng ama niya ang nakalagay — Don Leonardo De Vera.
“Daddy?” sagot ni Lyka.
“Anak, kailangan nating mag-usap,” malamig na sabi ng ama. “May mga reklamo akong natatanggap. May mga pamilya na galit na galit sa atin dahil nga sa nangyaring pagguho sa ospital. May mga nasaktan… may namatay. Hindi natin puwedeng balewalain ito.”
Natahimik si Lyka at napalunok. “Daddy, alam nating matagal nang pina-renovate ang wing na iyon. Hindi natin ginusto na may masaktan—”
“Huwag ka nang magpaliwanag, Lyka. Alam kong hindi natin kasalanan. Pero hindi iyon ang nakikita ng mga tao,” putol ni Don Leonardo. “Ang nakikita nila, anak
