Chapter 27
Lumiko kami sa isa pang hallway at bumungad sa ‘kin ang mga pinto na may nakasulat na “Forbidden Room”. Malalaman lang ang mga ipinagkaiba dahil may mga room number. Malawak nga talaga ang Trascamado Haven. Sa dalawang linggo na pagtatrabaho ko rito ay ngayon ko lang nalaman ‘yon.
Palagi akong abala sa pagkuha ng mga order ng mga customer kaya hindi na sumagi sa isip ko na subukang puntahan ang ikalawang palapag ng club. Nasa isip ko rin ang kapatid ko pati ang tatlong bata kaya okupado palagi ang isip ko.
“Nandito na tayo,” pag-imporma ni Rash. Nasa tapat na kami ng Forbidden Room Number 69. “Kung kinakabahan ka, huminga ka nang malalim at isipin mo na ginagawa mo ‘to dahil trabaho mo ‘to.”
Sinunod ko ang sinabi ni Rash. Habang nakatitig sa pinto ay huminga ako nang malalim
