WAS IT RAGING hormones? Nahihiling ni Melanie na sana ay ganoon lang iyon. Hangga't papaano ay ayaw niyang mainis kay Augustus. Kung mayroon man na mas malaking kasalanan sa kanilang dalawa, siya iyon. Sinaktan niya si Augustus dahil pinaghintay niya ito.
Pero malaki na sila. Hindi na dapat ganito ang turingan nila sa isa't isa. Dahil lang sa isang misunderstanding ay hindi siya kakausapin nito buong maghapon? Akala niya ba ay mag-uusap sila? Pero hindi nito in-entertain ang mga pagkausap niya rito. Nagiging childish na ito.
Halos buong buhay na niyang kilala si Augustus. Ang buong akala niya ay ito ang pinakapasensyoso at pinakamadaling umintindi na tao. Pero mukhang nagkamali siya. At inis na inis siya rito ngayon.
Simula kaninang umaga ay wala siyang natatanggap na text o
