APPLE:
KABADO AKO HABANG inaayos ang sarili ko. Ito ang unang beses kong tatapak sa kumpanya upang ipakilala ni tita Christy na papalit sa kanyang pwesto bilang bagong CEO ng Wicharat Real Estate Company. Ayon dito ay hindi ako basta-bastang makakaupo sa posisyon ko kahit pa nakapangalan sa akin ang kumpanya dahil kailangan ko pa ang boto at pagsang-ayon sa akin ng mga board of directors na ikinakakaba ko lalo na't wala akong alam sa pagha-handle ng malaking kumpanya.
Panay ang buga ko ng hangin na pilit ngumiti sa sarili bago dinampot ang handbag ko at bumaba ng sala kung saan naghihintay si tita at driver nito.
Habang pababa ng hagdanan ay napasulyap ako kay tita na palakad-lakad sa ibaba. Malalim ang iniisip na bahagya ding kunot ang noo. Mukhang katulad ko ay nag-aalala din ito sa d
