APPLE:
DI MAPUKNA-PUKNAT ang ngiti sa mga labi ko habang magkahawak-kamay kami ni Claude at binabagtas ang kahabaan ng byahe. Nagmamaneho ito pero ayaw bitawan ang kamay ko na panaka-naka nitong hinahagkan. Hindi ko tuloy maitago ang ngiti at kilig na nararamdaman ko sa mga sandaling ito. Pakiramdam ko'y napakawalan ko bigla ang bigat sa dibdib ko na naayos namin ang naging problema sa pag-upo ko sa pwesto bilang bagong CEO ng kumpanya namin. At 'yon ay dahil kay Claude at Peach na siyang naging resbak ko.
Hanggang ngayon ay hindi pa rin ako makapaniwala sa mga nalaman na pinaggagawa ni tita Christy sa mga properties na nakapangalan sa akin. Kahit ang kumpanya ay muntik na nitong ibinenta sa iba. Mabuti na lang pala at ang kumpanya ni Claude ang nakakuha. Mapait akong napangiti na nangi
