Halos hindi malaman ni Hana ang gagawin habang paikot-ikot sa kusina ng bahay nina Kael. Alam naman niyang walang mangyayaring masama sa kaniya lalo pa't dalawa lang silang naroon ng binata.
Gayumpaman ay hindi niya pa rin maiwasang kabahan dahil ito ang unang beses na naiwan siya sa loob ng bahay habang iisang lalaki lamang ang kasama. At bukod pa roon ay mas kinakabahan siya nang marinig ang paalala ng kaniyang kuya.
Kampante naman siya na walang mangyayaring masama kaya pinilit niyang maging kalmado at umupo sa sofa. Nakailang ulit na rin siya sa pag-aayos ng ilang gamit sa kabuuan ng bahay nang mapadpad siya sa loob ng isang kwarto.
Nasa ikalawang palapag na siya kung saan rin makikita ang kwarto ni Kael nang mapahinto siya sa unang silid. Ito ang dating kwarto ng mga magulang ni
