Agad na napansin ni Himari ang kakaibang ngiti ni Kael habang nakatingin sa direksyon ni Hana. Hindi man sabihin nang binata ay alam na agad ni Mari ang ibig sabihin ng mga ngiting iyon.
"Siya ba talaga ang Ojo ng Freya?" hindi makapaniwalang tanong ni Kael kay Mari.
Kahit saan niya kasi tingnan ay hindi pa rin niya makuhang makapaniwala na ang guro na hinahangaan ay nagmula sa ibang mundo at isang prinsesa.
"Hmmm, sa katunayan ay kinagigiliwan siya nang marami kaya naman napakasaya nang lahat ng Freyan noong ipinangak siya," nakangiting sambit ni Himari habang nakatingin rito.
'Ang swerte naman ng mga nakakausap niya,' sa isip isip ni Kael.
Ang totoo ay kanina niya pa gustong lumapit rito ngunit pinangungunahan siya nang kaba. Hindi niya alam kung paano lalapitan ang dalaga lalo
