Kinabukasan ay aligaga pa rin ang mga estudyante, gayumpaman ay marami rin ang excited sa araw na ito dahil ito ang huling araw ng exam. At ang kasunod na nito ay ang foundation day nila sa susunod na linggo.
Napalingon si Kael kay Indigo nang makita niya itong papasok sa klase. Gulo-gulo ang buhok nito at hindi rin maayos ang pagkakabutones ng uniporme nito kaya naman wala ring nagtatangka na lumapit rito. Napapalihis ang lahat na nakakasalubong nito habang masama ang tingin rito.
Sinundan lamang ito ng tingin ni Kael. Sa totoo lang ay maraming katanungan ang namumuo sa kaniyang isipan lalo na ang nakita nila kahapon nina Honey at Zane sa kalsada. Kung bakit kausap nito si Rogue at kung ano ang nangyari. Gayumpaman ay lingid rin naman sa kaniyang kaalaman na hindi ito ang tamang oras
