Five years later…
Umiiyak ang kalangitan nang binabaktas ng binata ang makipot na daan papasok sa sementeryo at bitbit nito ang isang pumpon ng bulaklak. Nang makarating sa puntod ay kaagad na tumulo ang luha ni Jordan nang mabasa niya ang malaking pangalan sa lapida. R.I.P Cheryl Althea Morales, napaluhod ang binata dahil kahit araw-araw siyang bumibisita sa puntod ay hindi niya pa rin matanggap ang pagkawala ng babaeng pinakamamahal.
“Limang taon na ang nakalipas baby, subrang sakit pa rin sinabi ko naman sa’yo na kumapit ka lang ‘diba dahil malalampasan din natin ang lahat ng ito pero bumitaw ka, hindi mo ako nahintay, hindi man lang kita napakasalan,” Napayuko ang binata sa lapida habang sumasabay ang mga luha nito sa bumubuhos na ulan. Ganito ang buhay niya sa loob ng maraming taon
