Tania
Kung kanina ay sobrang galit ang nararamdaman ko, ngayon naman ay kaba.
Bakit ba nandito si Sir Jin? Anong ginagawa niya rito?! At bakit ngayon pa na mukha akong tukmol dito sa rock formation? Ngayon pa talaga? Sure 'yon? At...at narinig niya ba lahat ng sinigaw ko?
"Nailabas mo na ba lahat?" Maamo niyang tanong sa akin kaya naman ang lintik kong kaluluwa, iniwan na naman ako!
Para bang sinabi sa akin na, bahala na ako sa buhay ko, tutal nandiyan naman na ang crush mo, puwede na akong um-exit?
"U-Uhm..." Hindi ako makasagot dahil sa hiya.
Mas umatras pa ako kahit na alam kong puwede akong mahulog.
Gusto ko sanang magpalamon nalang sa lupa pero wala kasing lupa rito. Bato lang kaya walang kuwenta!
"Alam mo bang kapag umatras ka pa ng tatlong beses ay mahuhulog ka na sa
