Alicia Amero’s Pov
Hindi ko maintindihan.
Ang sabi ni Sage, noon pa magkakilala sina Sina at Kronen. Magkakilala na sila at magkasundo bago pa mamatay ang nakatatandang kapatid ni Sina. Magkakilala na sila bago pa mangyari ang insidente kung saan tuluyang naglaho ang kaluluwa ni Sina at dumating sa mundo namin ang kaluluwa ng nilalang na siyang kumokontrol sa katawan ni Sina.
Maliban pa doon ay nabanggit din niya na matagal nang minamahal ni Kronen si Sina.
At aware siya na tuluyan na ngang naglaho ang kaluluwa ng babaeng kanyang mahal at ibang nilalang ang nasa loob ng katawan nito.
Kaya bakit?
Bakit ganito ang nakikita ko sa mga mata niya? Bakit kung tingnan niya ang babaeng ito ay para bang wala siyang pakialam kung hindi na ito ang tunay na Sina na kilala namin.
