Irieth
HABANG nasa byahe ay marami kaming napag-usapan ni Aila tungkol sa mga nangyari no'ng umalis ako sa bahay.
Ang sabi niya, araw-araw daw nilang nakikita si Mommy na umiiyak. Pati si Daddy ay naapektuhan na rin dahil hindi nila alam ang gagawin at kung saan ako hahanapin dahil wala silang mapagtanungan. Kumuha na raw sila ng taong maghahanap sa akin pero nabigo sila. Siguro ay dahil 'yon kay Drake, hindi ko alam kung ano ang ginawa niya pero sa loob ng limang taon ay walang sino man ang nakaalam kung nasaan kami ng anak ko.
Nagpatuloy sa pagkukuwento si Aila habang nagmamaneho. Hanggang sa dumating ang pagkakataong hindi ko na napigilan ang mapaiyak nang sabihin nitong halos isang linggo naospital si Mommy noong umalis ako.
Ngayon ko napagtanto ang maling ginawa ko nang maging i
