Keen
Mula nang sunduin ko si Hope, pilit kong pinakalma ang sarili ko dahil para ako nitong hinipnotismo nang una siyang mahagip ng paningin ko. Para bang ayoko na matapos ang gabi at tingnan na lang siya sa magdamag.
Napakaganda niya. Mula sa kanyang mga kilos at galaw, sa tuwing magsasalita, ngingiti man o sisimangot, ang lahat ay talagang mamahalin sa kanya.
Nakaramdam ako ng tuwa nang malaman ko na nagalit siya no'ng makita niya ang paglapit at paghalik sa akin ni Erica. Alam ko na may lugar na ako sa puso niya, alam ko na may nararamdaman na rin siya para sa akin. Dahil walang sino man ang makararamdam ng selos kung hindi mahalaga rito ang isang tao.
Masaya ako, pero sa isang banda ay nakaramdam din ako ng awa nang makita ko siyang umiiyak. Hindi ko kaya, dahil parang dinudurog an
