THIRTY-FIVE
“T-Taniya . . .” usal ko nang makita ang babaeng nakatayo sa harap ko.
Ngumiti siya bilang tugon sa pagtawag ko sa kanya.
“Kumusta, Celine. Nakakaabala ba ako?” tanong niya nang makalapit sa akin.
Ilang minuto akong nakatayo roon at nakatitig sa babaeng nasa harap ko. Hindi ko alam kung paano ko uumpisahan ang lahat ng tanong na nasa isip ko. Naramdaman ko ang paggagap ng kamay ni Santi sa kamay ko.
“Maupo ka, Taniya. May gusto ka bang inumin?” tanong ni Santi habang inaalayan akong umupo.
“Salamat, ayos lang ako,” matipid niyang sagot. Umupo si Santi sa tabi ko. Pinisil niya ang kamay ko, hudyat na kailangan ko nang magsalita.
“Kailan ka pa dumating?” panimulang tanong ko. Ayokong iparamdam ang sama ng loob ko sa kanila pero hindi ko maiwasan.
“Hindi mo man lang ba ako
