Ang dalawang araw na pananatili ni Kael dito sa America ay naging mabilis.
Wala akong oras para umiyak o mag-isip pa ng nakakalungkot. Okupado ang utak ko sa bawat maghapon.
Katulad ngayon, dahil ngayong araw ay nasa loob ng operating room si Lola.
Isang linggo lang ang mga test na isinagawa, natapos na kaagad. At ngayon ay pabalik-balik ako sa labas ng pintuan.
“Anak, nahihilo na ako sayo. Ang anak mo, tagtag na yan sa loob ng tiyan mo.” Mahina na sabi ni Daddy sa akin.
Nakaupo ito sa gilid na upuan sa waiting area. Katabi si Ate Juicy na tahimik, nakapikit ang mga mata at nagdarasal ng taimtim.
“Kinakabahan po kasi ako Daddy.” Pag-amin ko sa aking ama.
Idinipa nito ang kanyang mga bisig at naluluha na lumapit ako. Hindi ko na napigilan na umiyak, matapos ko maramdaman ang p
