ROWENNA SANDOVAL
"Saan mo ulit dadalhin ang pagkain na makukuha mo?"
"Sa nanay ko nga."
Sinamaan ko ng tingin si Keith. Paano kasi ay parang hindi naman siya naniniwala sa 'kin. Napairap din tuloy ako ng mata.
Hindi na ko nakakapunta ng madalas sa hospital para bisitahin ang nanay ko pero sigurado naman akong nasa maayos lang siya dahil kung hindi ay baka tumawag na ang doctor sa 'kin at kinausap na ko sa kalagayan ng nanay ko.
Pero, s'yempre. Hindi ko pa rin maiwasan mag-alala lalo na kung wala na kong totally balita sa nanay ko. Kahit wala sanang bad news. May balita man lang sana na dumating sa 'kin na maganda tungkol sa nanay ko kahit na minsan ay nanghihina na rin ang loob ko na umasa na gagaling pa siya.
"Good. Then, I will go with you."
Bumalik sa realidad ang pag-iisip
