Nakauwi na rin sila sa wakas. Kanina sa byahe, wala na ang ngiti sa mga labi ni Flora. Malungkot na naman siya. Lalo na ngayon na nag-iisa na siya sa kaniyang bahay. Oo, sa kaniya na ang bahay na iyon ay wala ng balak pang makihati ang kaniyang dating asawa. Lahat ng gamit ay sa kaniya na rin basta huwag na niyang guguluhin pa ito. Manahimik na lang siya at tanggapin na wala na sila.
Napansin iyon ni Clinton habang inilalapag niya ang mga gamit ni Flora. Kaya naman lumikha siya ng ingay gamit ang kaniyang bibig at saka lumapit kay Flora.
"Ayos ka lang ba? Bakit parang ang lungkot mo yata masyado?"
Bumuga ng hangin si Flora. Tila gusto niya pang gumala o magpunta kung saan. Ayaw niya munang umuwi. Ayaw na muna niyang manatili sa bahay niyang iyon dahil naaalala niya lang ang masayang sa
