Nagmamadaling pumanaog sa kotse si Ricardo at kaagad na pumasok sa Villa. Nagtaka naman siya kung bakit lahat ng mga katulong ay nakatingin sa kanya. Pupunta na sana siya sa kuwarto nilang mag-asawa nang magsalita sa kanilang likuran si Aling konsing.
"Seniorito! kaaalis lang ni Seniorita Elaiza, may dala siyang Maleta habang umiiyak, narinig naming lalayas daw siya." Sumbong ni Aling konsing kay Ricardo.
Nanlaki ang mga mata ni Ricardo sa narinig.
" Bakit niya ginawang umalis agad? hindi man lang niya ako hinintay upang makapag-usap kami at maayos namin ang problemang ito!" Wika ni Ricardo na hindi malaman ang susunod na gagawin.
" Kailangang ko siyang masundan, manang! bakit hindi niyo pinigilan ang asawa ko, nasaan sina Papa at Teresa? at si Paulo? sana pinigilan man lang nila si
