“TITO, TITA, hindi pa rin sinasagot ni Daddy ang tawag ko,” nag-aalalang sabi ko.
“Hintayin muna natin si Aiden. Kung wala roon ang Daddy mo, pwede na tayong gumawa ng hakbang. Hindi ba ganito ang Daddy mo?” tanong ni Tito.
Napailing ako. “Kahit nasa gitna pa iyan ng meeting, sinasagot niya talaga ang mga tawag namin ni Kuya.”
“’Wag ka muna mag-isip ng kung anu-ano, Amira. Baka naligo lang si Hector. Pwede rin na lumabas at nakalimutan na dalhin ang phone nito,” sabi ni Tita.
“Sana nga po at ganoon lang,” sabi ko.
Kahit anong gawin ko, hindi pa rin ako mapakali. Mabuti na lang at nandito sa tabi ko ang mahal ko. Nakayakap lang siya sa akin at mukhang wala akong balak na bitiwan.
“Huwag ka ng umiyak, Mira ko,” sabi ni Atlas.
Napabuntonghininga na lang ako. katulad nang sabi ko kanina
