Nakatanaw mula malaking bintana ang isang ginoong nagtatago sa likod ng anino sa kanyang silid. Nakasuot ito ng sumbrero at may hawak na nakasinding sigarilyo. Pinagmamasdan niya ang abalang kalsada sa ibaba ng gusali kung nasaan siya.
Bumukas ang pintuan ng kanyang silid at pumasok doon si Falguni. “Senyor,” Anito upang makuha ang atensyon ng tinatawag na ‘Pinuno sa likod ng anino’.
Narinig ito ng pinuno ngunit hindi niya itinuon ang kanyang atensyon sa dalagang kakapasok lamang.
“Natapos na po ang unang pagsisiyasat sa apat.” Ang tinutukoy ni Falguni ay sina Rhinega, Upher, Dami, at Shin. “Hinihintay ng aking kasamahang si Onver na si Helbert ang huling makikipag-usap sa apat.” Patuloy ni Falguni.
Kahit hindi nakikita ang mukha ng pinuno, batid ni Dami na humarap ito sa kanya. “Fal
