A Story for Caroline

Chapter 78

TINOTOO ni Vince ang sinabi. Iyon na nga ang huling araw na nakita niya ito. Hindi na ito nagpunta sa bahay nila at sa tuwing itatanong naman niya kay Aling Nancy ang kinaroroonan nito ay iisa lang ang natatanggap niyang sagot. Nasa bukid daw si Vince.

Nang sumapit ang araw ng Sabado ay dumating nga ang kaniyang biyenan para kuhanin si Caloy. Ibig niya sanang sumama pero alam naman niyang ang bata lang ang ibig makita ni Vince. At totoong nakakainip ang tatlong araw na wala ang anak sa piling niya. Hindi naman niya ito magawang sunduin dahil alam niyang ikagagalit lang iyong lalo ng lalaki kaya minabuti na lamang niyang hintayin ang Lunes, ang araw na ibabalik na ng kaniyang biyenan si Caloy.

Minsan naman ay umuwi ng Cagayan si Vince upang asikasuhin raw ang pagpapaani doon. Isang Linggo