* * Nica's POV * *
"Nica, Mina..." tinig mula sa likod namin ni Mina nang makalabas kami ng mansyon ng mga Atienza. Mahigit alas-nuwebe na ng gabi, at nagpapahinga na rin ang mag-asawang Atienza kaya pauwi na rin kami ng kaibigan kong si Mina.
"Naku, Nica, nandito na naman ang masugid mong manliligaw," mahinang wika ni Mina sa akin nang pareho naming lingunin ang tinig na tumawag sa amin.
"Oh, Roel, ikaw pala. Magandang gabi sa'yo," nakangiting bati ko rito nang tuluyan siyang makalapit sa amin ni Mina.
"Salamat, Nica. Magandang gabi rin sa inyong dalawa," balik-bati nito, at tumango lang si Mina na may tipid na ngiti bilang tugon sa kanya.
"Gabing-gabi na, Roel, ah. Bakit nandito ka pa?" tanong ko rito.
"Sa katunayan, kanina pa ako nandito. Hinihintay ko talaga ang pag-uwi n'yo. Gus
