Nag-aaway na naman kami ni Jasper . . .
“’Di ba sabi ko naman sa ‘yo, ‘wag ka nang lalapit sa Miko na ‘yon?!”
Nasa bahay nila kami. Pumunta kasi ako ngayon sa kanila since weekend naman. Eh nagkataon na nasa labas pala si Kuya Miko ng bahay nila. Kinausap niya ako at sinabing nagsinungaling na naman daw ako kay Kuya Dex. Tapos nakita ni Jasper. Hinila niya ako papasok sa loob ng bahay nila at heto—binulyawan.
“Jasper naman! Hindi naman maiiwasan ‘yon, e! Kaibigan siya ng kapatid ko at magkapit-bahay kayo. Malamang, magkakausap kami!”
“Pero akala ko ba malinaw na sa ‘yo?! Di ba napag-usapan na natin ‘to? Na kailangan mo nang layuan ‘yung taong ‘yan?”
Nag-init ang sulok ng mga mata ko. “J-Jasper, ‘di naman ako nagrereklamo kapag may ibang babae kang kausap. Hindi naman ako nagreklamo no
