Nang mag-11:15 p.m. ay napagpasyahan kong bumaba na. Alam kong tulog na silang lahat sa itaas. Gusto ko lang puntahan si Kuya Miko at ipamukha sa babaeng kasama niya na hindi siya nararapat kay Buraot! Hindi ako papayag! Ayoko sa kan’ya para kay Buraot!
“Hoy, Buraot!” malakas na pagtawag ko sa kan’ya.
Hindi na rin naman ako siguro maririnig nila Mommy dahil masyado nang malalim ang gabi. Malalim na rin ang tulog ng mga ‘yon. Tumingin silang dalawa sa akin. Tinaasan ako ng kilay ng babae.
“Anong ginagawa mo dito? Akala ko tulog ka na,” sabi ni Kuya Miko. Halata sa kan’yang lasing na rin siya.
“Sa tingin mo, makakatulog ako kung walang ibang laman ang isip ko kundi ang landian n’yo? At, hello! Ang ingay n’yo kaya!” sagot ko sa kan’ya. Tumingin naman ako sa babae. “At ikaw namang impakta
