Tulalang nakatingin sa kawalan si Julie habang umiinom ng isang baso ng tubig. Maghahating gabi pa lang. Deretso kasi ang naging tulog nila ni Elmo. Kaya heto at hindi na nga sila nakapag dinner pero nararamdaman na niya ang tiyan niyang kumukulo sa gutom.
Alam niyang nagpadeliver na lang si Kyline dahil nakita niyang may paper bag ng McDo sa trash bin nila. Pinaalala niya sa sarili na kapag may panahon ay tuturuan niya ang pinsan na magluto. Kawawa naman baka puro maging fast food ang laman ng tiyan.
Pero heto siya naman ngayon at naghahanda magluto ng pasta. Masarap na midnight snack ika nga nila.
Matapos maubos ang iniinom na tubig ay dinala niya ang baso sa lababo bago tiningnan ang pinapakulong tubig.
Nagsimula na siyang maghalo ng mga sangkap para sa sahog ng pasta na lulutuin. P
