Masakit ang aking ulo pagkagising. Pero ang gaan-gaan ng aking pakiramdam. Dito nga pala ako nakatulog sa isang cottage na may dalawang kwarto. Magkakasama kaming magkakaibigan. Masyado silang napagod kakahabol doon sa dalawa kaya pagbalik ay naghanap ng matutulugan. Ako naman ay nalasing na nang tuluyan.
Katabi ko pa sa kama ang dalawa sa mga kaibigan kong sina Crystal at Primrose. Naghihilik pa. Gising na kaya ang iba?
"Baritaaaa!"
Napaigtad ako nang biglang bumukas ang pinto ng silid namin at hinihingal na pumasok ang may-ari ng resort, ang kaibigan kong si Stacie. Itong resort nga pala ay pinamana lang sa kaniya ng kaniyang Pinay mother at American father. Pinalago niya at dinagdagan ng 4th floor hotel.
"Bruhilda ka! Yung pinahabol mo sa amin kagabi, isa palang VIP guest!"
Nang
