"Reed, aalis na kami."
Parang biglang nagbara ang lalamunan ko nang makita ang pagguhit ng lungkot sa mga mata ni Reed.
Sinundo na kasi kami ni Rizlan. Nung gabing umalis si Reed at dito natulog si Riz, napag-usapan namin ang tungkol sa paglipat namin sa mansion niya.
Hindi ko na kinausap pa si Reed tungkol doon dahil baka humantong na naman sa pagtatalo. Nagulat na lamang ito nang makita ang mga gamit namin nina Lucy at Brianna na nakahanda na sa maleta.
"Reed..." Nagsusumamo ang tono ko. "Ayokong umalis na masama ang loob mo."
"May magagawa pa ba ako?" malamig nitong tugon.
"Mag-usap tayo ulit, okay? Babalik ako rito para kausapin ka."
"Aalis na rin ako. Babalik na ako ng France next week."
Sandali akong natigilan kapagkuwan ay tumango. "Okay. Mag-iingat ka palagi. Basta, mag
