KATATAPOS lang ng isang guesting ni Erin sa isang noontime show para mag-promote ng kaniyang pelikula nang salubungin siya ni Celine sa hallway ng istasyon. Nahuli pa ng mga mata niya ang malaking portrait niya na nakasabit sa wall kasama ang ilan pang mga artista.
Inabot nito ang cellphone sa kaniya. “Your mother,” imporma nito kahit hindi pa siya nagtatanong. Mula kasi nang pumasok siya sa show business ay bumalik ang communication nila ng kaniyang ina lingid sa kaalaman ng kaniyang ama. Maging sa mga kapatid niya ay may kontak na rin siya. In fact, buwan-buwan siyang nagpapadala ng pera sa bank account ni Anika bilang tulong niya sa pag-aaral nito at ni Mika sa med school sa ibang bansa.
“Thanks,” she murmured to Celine and answered the call while heading outside of the building. “H
