"Saan ka galing?" galit na salubong ni Mateo kay Tin ng pumasok ito sa bakery.
"Ah may pinuntahan lang akong kaibigan?"
"Sino?" malamig na tanong ni Teo habang deretsong nakatingin kay Tin, hindi naman nakasagot si Tin na napatingin kay Lolo Ben at Mama May.
"Umaga ka pa daw umalis, anong oras na?"
"Nakatalog kasi ako habang nakikipag tsismisan. Nag-alala ka ba?" ngumiti si Tin na lumapit sa asawa pero ng yayakap na siya rito umiwas si Teo at naupo sa isang table na naroon.
"Talagang ginawa mo lang ang gusto mo ano? Wala kang paki-alam sa amin dito, na halos hindi na makatulog sa kakaisip sa'yo. Tapos ikaw, nagising ka na parang wala lang nangyari at nagpaalam na aalis. Ibang klase ka?" iling ni Teo na napayuko.
"Hindi ko naman sinasadya na gabihin ng uwi, sorry
