LUMIPAS ang mga araw at ganoon pa rin ang pakikitungo n'ya sa akin. Pormal. Malamig. Boss. Araw araw akong naglilinis ng bahay kapag naihatid ko na sa eskwela si Mia. Sa umaga, kape lang ang ginagawa ko para kay Jay at aalis na s'ya. Noong minsan, nagtimpla ako pero hindi na n'ya ininom at nagmamadaling umalis papunta sa opisina.
Aaminin ko, nakakamiss ang dating malambing na Jay. Para na rin ito sa ikabubuti naming dalawa. Ang problema ko sa pag-alis ko ay si Mia. Siguradong hahabol ito sa akin. Pwede ko pa naman siguro s'yang bisitahin kahit hindi na ako nagtatrabaho dito, hindi ba?
Isang gabi, alas diyes na umuwi si Jay at may kausap sa telepono. Masaya ito at parang sa himig n'ya ay babae ang kausap. Tinapunan n'ya lang ako ng isang mabilis na tingin at umakyat na sa kwarto n'ya. I
