"ANG kapal ng mukha! Ang presko. Akala mo kung sinong gwapo! Hayop ka! Nakakainis ka talaga! Mr. Nickson Balderama!—" galit na galit na mga sigaw ni Via. Habang hinuhubad ang kanyang damit.
Naisahan na naman siya ni Reine. Nang mapilitang pumunta ng presscon kasama ang mga opisyales ng VIC at kasama rin si Nickson. Nangalo lang ang puwet niya kauupo doon sa harap ng press. Nabagot lang siya sa dami ng mga tanong.
Nang makauwi ay inis na inis dahil sa nangyari kanina. Hapon na kaya magpapahinga na lamang si Via. Tutal busog na siya. Itutuloy na lamang niya ang kanyang nasirang tulog kaninang umaga.
Pahiga na siya nang may nagdoorbell. Naiinis na pumunta siya ng pintuan para tingnan kung sino iyon. Sinilip niya at dali-daling binuksan ang pinto.
"Hi!" magiliw na bati ni Franco.
"Franco?
