ARAW ng kasal, handa na ang lahat para masaksihan sa araw na ito ang pinahihintay. Ang araw na magkakaroon ng katuwang si Olive. Ito rin ang araw na ipagkakaloob niya ang buhay niya kay Nickson. Dapat masaya siya dahil masaya ang lahat ng mga taong ikinakasal. Pero kabaliktaran sa kanya. Sa loob-loob niya ito ang araw ng pinakamasamang pangyayari sa buhay niya. Magiging pag-aari na siya ni Nickson. Ang araw na hindi siya madaling makakaalis sa poder ni Nickson.
"Anak, masaya kami ng Papa mo. Dahil biniyayaan kami ng mabait na anak. Masunurin at magaling sa buhay. Ang araw ng kasal ang isa pinakamagandang pangyayari sa isang babae. Ang makaisang dibdib ang lalaki ang lalaki sa kanyang puso. Hindi man dahil sa pag ibig kaya kayo ikakasal. Alam namin na matutunan mo ding mahalin si Nickson.
