Joanna's POV
Pagpasok ko ng silid ko ay hinagis ko lang ang bag ko sa kama at hinarap ang cellphone ko. Tatawagan ko si Ate Prill.
Pagkatapos ng ilang ring ay sinagot nito at galit na galit ang boses nito.
“Joanna! What are you doing? Wala pa rin bang nangyayari sa pinapagawa ko sa ‘yong punyeta ka?”
Otomatikong tumulo ang luha ko sa napakalambing na bati ni Ate Prill sa akin. Lagi naman, eh. Lalo na kapag hindi ko nasusunod ang gusto nito. Kaya minsan kahit hindi ko na masikmura ang mga pinagagawa niya ay pinipilit ko na lang ang sarili ko dahil sa kakarampot na pera at luho na binibigay niya sa akin.
“Ate, kumusta ka?” pilit kong pinatatag ang boses.
“Gaga! May gana ka pa talagang kamustahin ako? Ito ang tandaan mo, Joanna. Sa oras na mahuli ako ng mga tauhan ni Xander madadam
