NAGPASYA na umalis nang mansion si Froilan, iyon lang ang alam niyang paraan upang hindi ma-stress sa kanya ang ina. At kahit ayaw siyang payagan ng ama ay hindi siya nakinig. Sinabi niyang mas makakabuti sa kanilang lahat na nasa malayo siya.
Kinabukasan bago siya umalis ay pinuntahan ang ina sa silid ng mga ito. Nang mga oras na yon ay nasa opisina na ang kanyang ama. At kanina pa siya nagsasalita pero nananatiling nakatikom ang bibig nito. “Momma ko, galit ka pa ba sa akin?” mahinahon niyang tanong dito. Ngunit ayaw pa rin talaga siyang sagutin, ganun pa man nagpatuloy siya sa pagsasalita. Nauunawaan naman niya kung bakit iniignora siya ng mommy niya.
“Alam ko nagtatampo ka lang sa akin, momma ko, pero ito ang gusto ko. Kaya sana suportahan nyo na lang ako. Huwag kang mag- alala, lag
