Tumingin ito sa kanya na para bang naaawa din ito sa kanya. Saka naalala ni Purity na wala pa pala siyang suklay. Naghilamos lang siya kanina at nag sepilyo pagkatapos niyang ilabas ang laman ng kanyang tiyan. Namumutla din daw siya sabi kanina ni Jane.
"It's not what you think baby," saad nito. Napatitig si Purity sa asawa. Nang makilala niya ito, hindi ganito ito kung umakto. Wala itong pakialam kung nakipagrelasyon ito kahit na may karelasyon pa. Sa katunayan, sa ganuong pagkakataon sila nagkakilala.
Ngayon, mukhang tensed ito. May nararamdaman na kaya ito sa kanya? Alam niyang asawa na niya ito at ilang beses itong nagsabi na hindi ito kailanman makikipag divorce sa kanya, pero realistic si Purity. Pwedeng magbago ang nararamdaman ng tao ng ilang beses. Hindi lang siya sigurado kung
