Tinanghali ng gising si Purity, nakasuot na siya ng pajama. Wala na si Thadeus sa tabi niya. Mabigat ang katawan na bumangon at naghilamos, kahit ang pagligo ay tinatamad si Purity. Bumaba siya sa kusina at nakitang nagluluto ng sinangag si Nana Adela. Pagka-amoy niya ng bawang bumaliktad ang kanyang sikmura. Tumakbo siya sa pinakamalapit na banyo. Wala siyang mailuwa na dahil natulog siya kagabi na walang laman ang tiyan.
Nanghihina na lumabas siya ng banyo habang pinupunusan ang luha. Nakita niya ang pag-alala sa mukha ni Nana Adela. "Pasensya na po kayo Nana, mukhang hindi kaya ng sikmura ko ang bawang. Pwede po pancake with honey syrup at smoothie lang po ang almusalin ko muna. Dun lang po ako sa balkonahe, mukhang hindi maganda ang pakiramdam ko eh."
"Ipaghahanda kita anak, mukhang
