CHAPTER 16
THIRD PERSON POV
Lumipas ang ilang minuto matapos ang kanilang almusal. Tahimik na nakaupo si Cataleya sa veranda, hawak ang tasa ng kape ngunit hindi umiinom. Tila ba'y may mabigat sa kanyang dibdib na hindi niya maipaliwanag. Samantalang si Nayll, abalang pinupunasan ang mesa at maingat na nililigpit ang mga pinagkainan isang kilos na hindi kailanman niyang akalaing makikita mula sa lalaking matagal nang naging dahilan ng kanyang mga luha.
"Cataleya, gusto mo ba ng ibang klaseng juice? O baka gusto mong ipag-prito pa kita ng bacon? Gusto mo ba ng prutas?" sunod-sunod ang tanong ni Nayll, bakas sa boses nito ang pag-aalalang baka hindi sapat ang kanyang inihanda.
Nag-angat ng tingin si Cataleya, naguguluhan. "Ah… okay lang. Busog pa naman ako. Thank you."
Napatigil si Nayl
