NAIUWI na ni Ely ang Mommy niya sa bahay nila. Kasama pa nila si Gemma. Hiniling ng Mommy niya na sumama ito. Tulak-tulak ni Ely ang ina habang sakay ito sa wheelchair at papasok sila sa bahay.
Palihim na napangisi si Gemma. 'Di makatanggi si Ely sa gusto ng ina nito. At kukunin niya ang pagkakataong ito para mapalapit muli kay Ely.
"Tatay!" malakas na sigaw ni Calli. Tumatakbo ito na lumalapit sa kanyang ama. Sinalubong ito ni Ely at kinarga. Hinalikan niya pa sa pisngi ang anak.
"How is my, Baby Calli?" magiliw na tanong ni Ely.
"Okay lang po, Tatay. Alam niyo po sabi po ni Nanay ipapasyal niya ako sa amusement park sa birthday ko," kuwentong sagot ni Calli. Excited na ito sa papalapit na kaarawan.
"Talaga, Baby?" tumango ng ulo si Calli sa ama. Hindi niya alam na malapit na pala
