"Kumusta na siya?" tanong ni Ginoong Tritts kay Yaya Anika.
"Tulog na siya, Mr Tritts. Ano ba kasi ang nangyari? Kayo ang mag-ama pero ako ang nagpalaki sa kaniya, sir. Kaya't labis-labis din ang pag-aalala ko," patanong nitong sagot.
"Alam ko iyan, Anika. Hanggang sa kasalukuyan ay hindi ako makapaniwalang humantong siya sa ganyang estado. Akala ko nga ay magkaayos na silang dalawa ni Faith Ann. Kaya ko nga ibinigay sa kaniya ang exact address ng hotel kung saan sila lumipat. Ngunit nagulat ako sa report ng nakabantay doon na nagpahatid sa airport ang mag-iina."
SA pagkaalala sa mag-iina ay napahinga siya ng malalim. Aminado siyang may pagkakamali kung bakit hindi agad nagkausap ang dalawa. Subalit nakausap pa naman niya ang kasintahan ng anak kaya't nagulat siya sa kaalamang umuwi na
