Nagtaka si Penelope ng pag-uwi niya ay wala pa rin doon si Timothy. Nang dalawin niya si Letizia kanina ay hinanap nito sa kanya ang lalaki na labis niyang ikinapagtaka.
Ang usapan nila ay magkikita na lang sila sa ospital pero bakit hindi ito pumunta?
Nag-iisip pa rin na nagtungo siya sa banyo at naligo. Paglabas doon ay sinulyapan niya muna ang orasan. Maghahatinggabi na pala.
Wala sa sariling nahiga siya at nakipagtitigan sa kisame. Saan nga kaya nagpunta ang kanyang asawa? Maayos naman silang nag-usap kanina at wala naman siyang napunang kakaiba dito maliban sa…
Ipinilig niya ang ulo.
Imposible namang mangyari ang iniisip niya. Hindi naman siguro nito nahalata na nagsisinungaling siya kanina.
Hindi nga kaya? Anang maliit na tinig sa likod ng isip niya.
Bigla naman siyang
