"HI," banayad na bati nito sa kaniya at taglay sa mga kaakit-akit nitong mga labi ang matamis at malapad na ngiting lagi niyang nasisilayan dito kasabay ng maaliwalas nitong mukha.
"B-ba't nandito ka na naman? At ano ang mga 'yan?" tanong niya sa binata nang dumako ang tingin niya sa mga dala nito. Halata naman niya kung ano ang mga iyon ngunit heto siya at parang tangang tinanong pa rin.
"Don't you want to invite me to come in first?"
Napatikhim siya at niluwagan lalo ang awang ng pinto at nagbigay ng espasyo upang makapasok ang binata. Kaagad din naman itong pumasok sa loob at nagtungo sa kusina. Akmang isasara na niya ang pinto nang may naiwan pang kahon sa labas kaya naman kinuha niya iyon upang buhatin.
"Ay, ba't ang bigat nito?" usal niya.
"Huwag, baka mapagod ka. Ako na ang mag
