"Kumusta ka naman, Adora? Pasensya ka na ngayon lang ako ulit nakadalaw. Busy kasi ako sa palengke. Alam mo naman, kailangan nating kumayod," sabi ni Rhian sabay lapag ng matataba at mahahabang talong sa mesa. Sinabihan ko kasi siya na dalhan ako ng talong dahil na-miss kong kumain nito.
"Ayos lang ako. Walang kaso sa akin kung hindi ka makadadalaw kasi alam ko naman na marami ka ring pinagkakaabalahan. Huwag mo akong isipin dito dahil hindi naman ako pinababayaan ni Mr. Albert."
Ngumuso siya. "Kaurat naman. Si Mr. Albert pa ang nag-aasikaso sa iyo imbes na 'yang si Val. Kahit hindi na siya magpakaasawa sa iyo ay ayos lang basta't magpakatatay naman siya." Gigil na sabi niya habang abala sa paglalagay ng mga dala niya para sa akin.
"Hayaan mo na siya. Wala naman akong pakialam sa kaniy
