Makalipas ang ilang araw ay dumating din iyong napagkasunduang bakasyon ng squad at kapag sinabi kong squad ay literal na lahat sila. Kung kaya ay isang bus ang naging sasakyan namin para isahang biyahe na lang din kaming lahat.
Iyon ang bus na sumundo sa amin ni Gabriel mula sa tapat ng A&D Tower kung saan pa ay naroon na sa loob sina Warren at Tyra sa bandang unahan malapit sa driver's seat. Sumunod sa likod nila si Venice at Leo na kasama ang kanilang anak.
"Tita Jackeng!" sigaw ni Leon nang mabungaran ako, kapagkuwan ay bumaba pa sa pagkakakandong niya sa kaniyang ama. "Kasama ka po pala?"
Huminto ito sa tapat ko, tangkang bubuhatin ko pa siya dahil iyon ang nakasanayan ko noon sa States nang kaagad din akong matigilan nang maalalang buntis nga pala ako. Natawa si Gabriel sa likod k
