Kinabukasan nang magising ako na masakit ang ulo, para iyong pinipiga na kaunti na lang ay animo'y mahahati iyon sa dalawa. Kumikirot at malakas na pumipintig ang utak ko sa hindi ko malamang rason.
Wala sa sarili nang mapahawak ako roon, kasabay nang mariin kong pagpikit ulit. Bukod pa roon ay dumagdag din ang init na nanggagaling sa sikat ng araw na nagmumula sa malaking bintana sa gilid ko.
Itong nararamdaman ko ngayon ay katulad din noong una akong magising sa hospital matapos ang ilang buwan kong pagkaka-comatose. Iyong kirot na paulit-ulit na nanunuot sa bawat ugat ko ng ulo ko ay tila ba isa-isang napipigtas lahat ng mga litid sa utak ko.
Ang sakit, hindi ko maipaliwanag na pakiramdam ko ay mamamatay ako kapag nagpatuloy pa ito. Gaano ko man din kagustong sumigaw at humingi ng tu
