SISENTA Y KWATRO
AURORA MARASIGAN
HINDI KO alam kung babangon pa ako mula sa pagkakahiga o hihilata na lang ako buong maghapon. Masakit ang ulo at sobrang init ng pakiramdam ko pero nangako ako sa staff na tutulongan ko silang mag-ayos ng bagong design nila sa entrance at front desk. Matagal ko na din hindi nagagawa ang pagiging designer kaya ng mag-alok ako ng tulong ay sobrang excited talaga ako. Ngayon naman ay parang hindi na ako makatayo sa sobrang bigat ng katawan ko.
Nang tingnan ko ang orasan sa side table ko ay alas otso na ng umaga at pero heto at tatayo pa lang ako. Sigurado kanina pa nila ako hinihintay na bumaba lalo na at wala naman silang ibang bisita na aasikasuhin bukod sa aming dalawa ni Gio. Naligo lang ako at nagpalit ng isang malaking t-shirt na pinaresan ko ng is
