Chapter Forty- Three
JOB
HINDI ko alam kung paano ko iiwasan si Philip dahil sa pag-uusap namin ni Papa. Ayaw kong magalit sa akin ang mga magulang ko pero dapat pinakinggan muna nila ako.
Sa mga nakalipas na linggo ay hindi ko maikakailang masaya ako sa pagpaparamdam ni Philip subalit hindi ko iyon ipinapahalata dahil makarating na naman kay Papa.
"Hihintayin na lang kitang kumain. Doon na lang sa canteen ni Aling Bety," saad ni Philip nang matapos ang aming klase.
"Naku! Huwag na. Mauna ka na lang. May last subject pa ako this morning," sabi ko dahil naiilang pa rin talaga ako sa kanya.
"Sige. Hindi na lang ako kakain. Ayaw mo lang naman akong kasabay eh," aniya saka pa ito ngumuso.
Hay naku! Parang ewan naman ang isang 'to.
"Ano kasi. May gagawin pa ako. Baka may quiz pa ako ma
