RUSTY TABALANZA
Ang buong akala ko ay katapusan ko na, pero nagkamali ako dahil may taong tutulong pala sa akin. Ang hindi ko lang talaga ay inaasahan ay si Krypton pa talaga ang sasagip sa akin.
Pero sa kabila ng sakit na nararamdaman ko sa katawan kanina, ay hindi ko maitanggi na malaki ang epekto ng pagkakadikit sa akin ng katawan ni Krypton. Ang sarap sa pakiramdaman habang buhat niya ako kanina sa mga bisig niya at ipinagtanggol sa pamilya ko. Ang saya ko kahit ganito ang inabot ko dahil sa kauna-unahang pagkakataon ay may taong nagtanggol sa akin.
Si Krypton ang unang taong nakapagparamdam sa akin na safe ako kahit nakapaligid sa akin ang mga taong gusto akong saktan.
Hindi ko nga alam kung bakit ganoon na lang ang galit sa akin ng pamilya ko. Galit sila na para bang wala ako
