Kanina pa pasulyap-sulyap si Roz sa relong suot nya habang hinihintay ang pagdating ni Wes. Matapos nya itong iwanan kaninang umaga ay ngayong hapon na lang ulit sya bumalik, nagpunta pa kasi sya sa kapatid nya at ibinigay nya ang hinihingi nitong pera para sa babayaran nito sa iskwela. Hindi nya alam kung saan nagpunta si Wes at bigla na lang wala na ito sa bahay nito.
Buti na lang at makulimlim ngayon kaya hinubad nya ang suot nyang sando at kinuha ang bola na nasa gilid ng mga paso.
Maglalaro sya ng basketball.
Lumabas sya ng bahay ni Wes at isinarado nya ang gate. Pupunta sya sa court. Malapit lang naman iyon at kaunting lakad lang. Gusto nyang magpapawis muna dahil ilang araw na din syang walang ehersisyo. Nababawasan na ang mga abs nya.
"Kuya Roz saan ka pupunta?" tanong sa kanya
