Marahang iminulat ni Shane ang mga mata, bahagyang pa siyang nasilaw sanhi ng ilaw mula sa kisame na tumama sa paningin niya. Kaagad hinanap ng paris ng kanyang mga mata ang bulto ni Raven pero maliban sa tiyahin niya at tatlong magagandang babae sa tabi nito ay wala roon ang binata. Bumagsak ang mga balikat niya ng hindi ito makita. Nagsimulang mag-init ang magkabilang sulok ng kanyang mga mata nang maalala ang mga nangyari bago siya mawalan ng ulirat.
"Hija, kumusta na ang pakiramdam mo? May masakit ba sa'yo? Tatawag ako ng doctor." Maagap at nag-aalalang tanong ng tiyahin niya marahil napansin nito ang pagbadha ng lungkot sa mukha ng pamangkin.
"Tiya, ang anak ko? Anong nangyari sa anak ko?"
Bumangon siya buhat sa kama at kinapa ang sariling tyan. Tuluyan ng naglandas ang masagang
