AGAD kong hinawakan ang kamay noong humila sa buhok ko at ibinalibag siya palayo kaya nabitawan n’ya ang buhok ko. Nanlilisik ang mga mata kong tinignan ang babaeng hindi ko naman kilala.
“ANONG PROBLEMA MONG BABAE KA!” sigaw ko kaagad kaya ito namang si Hendrix ngayon lang yata napansin na may ibang tao rito kaya agad siyang bumaba sa driver’s seat at nilapitan ako.
Tumayo ng kusa ‘yong babae at galit na galit akong tinignan. “Sinasabi ko na nga bat at ikaw na naman ang dahilan kung bakit hind bumalik sa Spain si Hendrix!” hiyaw n’ya atsaka na naman sana ako lalapitan pero pumagitna si Hendrix.
“Blaise, stop,” aniya. Ah, ito pala ‘yong Blaise na nag-chat sa kan’ya noong araw na dapat aalis siya pa-Spain.
“What the hell, Hendrix?! Ako pa talaga ang papatigilin mo ngayon? Siya pa talaga
